इटहरी खानेपानीको निर्वाचनको लागि समिति गठन
09:29
मंगलवार
२४ ,
चैत्र
२०७७
NepalBit
1083
२०७७ चैत २४ गते, इटहरी
इटहरी खानेपानी उपभोक्ता संस्थाको निर्वाचनको लागि ५ सदस्यीय निर्वाचन समिति गठन गरिएको छ । यही चैत्र २१ गते बसेको संस्थाको बैठकले समिति गठन गरेको संस्थाका अध्यक्ष रामप्रसाद चौलगाई जानकारी दिनुभएको छ ।
निर्वाचन समितिको संयोजकमा इटहरी उपमहानगरपालिकाका प्रमुख प्रशासकिय अधिकृतलाई चयन गरिएको छ । सदस्यहरुमा संस्थाका सचिव माधव कोइराला, सल्लाहकार रमेश कुमार बिष्ट, इटहरी ८ परिषद सदस्य शेखर चौधरी र नागरिक समाज इटहरीका पूर्व अध्यक्ष दिनेश रसाइली रहनुभएको छ ।
निर्वाचनको मिति निर्वाचन समितिले नै गर्ने अध्यक्ष चौलागाईले बताउनुभयो । यो निर्वाचनबाट नयाँ कार्य समितिको चयन हुनेछ ।
